اک ڈور

بندھن ایک ایسی ڈور کا نام ہے جو ایک انسان کو دوسرے انسان سے جوڑ کے رکھتی ہے۔ اور زندگی میں یہی بندھن رشتوں کی صورت میں انسان کے ساتھ ساتھ چلتا رہیتا ہے۔ انسان چاہے نہ بھی رہے لیکن اسکے رشتوں کے نشاں ہمیشہ رہیتے ہیں کبھی یادوں کی صورت تو کبھی باتوں کی صورت۔ ہر بندھن کسی ایک بنیاد پہ ہی قائم رہیتا ہے۔ جیسے قدرت کے عطا کردہ رشتے خون سے پہچانے جاتے ہیں اور پیار محبت کے رشتے جذبات اور عہد و پیماں سے۔ ازدواجی رشتے قانون اور شریعت سے جڑے ہوتے ہیں۔
ایک رشتہ ایسا بھی انسان کی زندگی میں آتا ہے جو بظاہر کسی بندھن سے جڑا نہیں ہوتا لیکن بہت مظبوط ہوتا ہے۔ جیسے کلاس روم میں ساتھ والی کرسی پہ بیٹھا بچہ جسے آپ جانتے نہیں ہو لیکن کچھ ہی دنوں میں اپنے ساتھ والی کرسی اسکے لیے سنبھال کے رکھتے ہو۔ اپنا لنچ باکس شئیر کرتے ہو۔ سکول مٰیں داخل ہوتے ہی سب سے پہلے اس سے ملنا ضروری بن جاتا ہے۔ کوئی بندھن نہیں بھی ہوتا تب بھی ہر ایک دل کی بات اسے بتا کر دل کو تسلی ملتی ہے۔ کیا ہے یہ رشتہ؟ یہ دوستی ہے ۔ ہر انسان کے لیے دوستی کا مطلب دوسرے انسان سے مختلف ہو سکتا ہے جیسے ، اچھے برے وقت میں جو ساتھ دے۔ جو آپ کے لیے اپنی جان بھی دے سکتا ہو۔ جو اپنا نہ ہو کر بھی اپنا ہو۔ جس کی گالی سن کر بھی خوشی ہوتی ہو۔ دوستی کے ایسے ہزاروں مطلب ہوتے ہیں۔ لیکن میرا سوال آپ سے ہے۔۔۔۔
“یہ دوستی آپکے لیے کیا ہے